Shqipëria do të mbizotërohet nga alternime kthjellimesh dhe vranësirash duke sjellë mot kryesisht të qëndrueshëm por që në zonat jugore nuk përjashtohet mundësia për reshje.
Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga 11 gradë Celsius në 24 gradë Celsius, në zonat e ulëta nga 19 gradë Celsius gradë Celsius në 32 gradë Celsius dhe në zonat bregdetare nga 20 gradë Celsius në 33 gradë Celsius.
Era do të fryejë në drejtim Verior-Veriperëndimor ndërsa forca e valëzimit në det do të jetë 4 ballë.
Në Kosovë moti sot do të jetë i alternuar me kthjellime dhe vranësira të cilat do të sjellin mot të qëndrueshëm . Sot temperaturat do të pësojnë një rënie të ndjeshme ku do të variojnë: në zonat malore nga 12 gradë Celsius deri në 28 gradë Celsius dhe në zonat e ulëta nga 17 gradë Celsius në 28 gradë Celsius. /tch/Telegrafi/