Forcat ukrainase kanë rrëzuar tetë dronë kamikaze të prodhuar nga Irani, sipas Kyiv Independent, duke cituar shtabin e përgjithshëm.
Gjithashtu u tha se forcat ajrore të Ukrainës kanë kryer katër sulme të cilat goditën me sukses dy rezerva armësh ruse dhe dy sisteme raketore anti-ajrore.
Ukraina ka parë më shumë sulme nga dronët kamikaze të prodhuar nga Irani gjatë javëve të fundit, duke kushtuar jetë dhe duke shkaktuar dëme serioze në infrastrukturë.
⚡️General Staff: Ukrainian forces down 8 Iranian-made kamikaze drones on Oct. 2.
According to the General Staff, Ukraine’s air force also conducted four strikes, successfully hitting two Russian weapon stockpiles and two anti-aircraft missile systems.
— The Kyiv Independent (@KyivIndependent) October 2, 2022
Dje, guvernatori rajonal, Vitaliy Kim, tha se ushtria ruse goditi qytetin jugor të Ukrainës Mykolaiv dy herë – një herë me drone dhe herën e dytë me raketa.
Sulmi i parë u krye me dron kamikaze iranian Shahed-136 dhe i dyti me raketa S-300, tha ai në Telegram. /Telegrafi/