Universiteti i Shkupit të shtatin vit me radhë, në vitin mësimor 2016/2017 do të ndajë 240 bursa për kandidatët më të mirë të ranguar gjatë regjistrimit në ciklin e parë të studimeve, transmeton Telegrafi Maqedoni.
Vendimin e solli Senati i Universitetit në mbledhjen e 39-të të mbajtur më 28 prill të këtij viti.
Sipas vendimit në secilin fakultet për 10 kandidatët më të mirë të ranguar në rang-listat përfundimtare të kandidatëve të pranuar në kategorinë e studentëve të rregullt të ciklit të parë të studimeve, do t’u ndahet bursë njëvjeçare.
Nga UCMM informojnë se Fakultetet po përgatiten për gjeneratën e re të studentëve dhe presin që kandidatët ta bëjnë zgjedhjen e vërtetë dhe ta vazhdojnë arsimimin në një nga programet e ofruara studimore. /Telegrafi/