Pronari i kopesë së deleve, Malush Hysenaj, thotë se vetëm kur është zgjuar në mëngjes ka parë se llava e ujqërve kishte sulmuar delet. Ai thotë se dëmi i shkaktuar kalon shumën 3.000 euro.
Sipas Hysenajt, ujqit sulmojnë shpesh në këtë anë, por ky i fundit ka qenë më i madhi. Prandaj, familja ka vendosur që të bëjë roje për të pritur sulmet tjera nga ujqit. Ata kanë armë me leje, dhe të njëjtat pritet t’i përdorin në momentin kur ujqit do të kthehen për t’i sulmuar delet e mbetura. /Klan Kosova/