Samir Ujkani është kapiten i Përfaqësueses së Kosovës dhe një futbollist që gjithmonë ka bërë krenar bashkëvendësit e tij me paraqitjet në klube të ndryshme.
Dashurinë për Kosovën kapiteni nuk e ka mohuar kurrë duke treguar rrënjët e tij ngado që ka shkuar.
E në përvjetorin jubilar të Kosovës, ai në një video mesazh për Telegrafin ka uruar vendlindjen e tij.
“Shumë urime 10 vjetori i pavarësisë. Nderime për ata që e dhanë jetën për këtë ditë”, tha Ujkani.
“Faleminderit për të gjithë ata që çdo ditë kontribuojnë për zhvillimin e shtetit tonë.
“Sa më shumë angazhime që ta bëjmë Kosovën sa më të madhe në çdo aspekt. Qoftë e bekuar Kosova jonë”, ka thënë Ujkani për Telegrafin.
Ujkani është njëri nga futbollistët me më së shumti paraqitje me fanellën e Kosovës.
Ai e bart shiritin e kapitenit që nga muaji mars i vitit 2014. /Telegrafi/
