Nuk mund të pihet uji në fshatin Gradec dhe Trstija në komunën Vinicë, kanë treguar analizat e Ndërmarrjes Publike Komunale ‘Solidariteti’, përcjell Telegrafi Maqedoni.
‘Në zonat Gradec dhe Trsti, cilësia e ujit nuk është në nivel të kënaqshëm. Analizat tregojnë prani të bakterieve të caktuara. Kemi bërë çmos pas marrjes së rezultateve dhe masat të cilat na janë dhënë, me qëllim për ta saunduar gjendjen dhe uji të jetë në rregull për pije. Gjatë vitit janë paraqitur periudha kur uji nuk ishte në rregull nga ujësjellësit e fshatit si pasojë e vërshimeve apo rreshjeve të shiut”, ka deklaruar drejtori i NPK-së.
Me blerjen e klorit për klorim automatik të ujit dhe panelave diellore për sigurimin e energjisë elektrike, Spasovski thekson se, cilësia e ujit të pijshëm është përmirësuar, por për vlerësimin e saj qind për qind, duhet të ndërtohet stacion filtrimi për dy fshatrat.
Përndryshe, pas lajmit se gjatë fundjavës së kaluar se uji në Tetovë nuk ka qenë për pijë, NPK ”Tetova” ka nxjerrë dokumente të cilët tregojnë se ”uji është i pastër sa i përket gjendjes së tij mikro-biologjike, kimike dhe fizike dhe është i sigurt për pije.” /Telegrafi/