Në një plazh që ndodhet në County Clare të Irlandës është gjetur një tub në të cilin gjendeshin pakot me kokainë, që kapë vlerën e pesëmijë eurove.
Nuk dihet kujt i përket ky objekt metalik, që ngjanë me silurët që vendosen poshtë anijeve, në të cilin ishin futur 75 pako me lëndën narkotike, transmeton Telegrafi.
Secila njësi peshonte nga një kilogram, ndërsa ishte mbështjellë me najlon dhe kishte sipër emblemën e ‘Playboy’.
Dyshohet se ky tub ishte vendosur poshtë ndonjë anijeje, apo lundre dhe pasi është shkëputur, ka qëndruar mbi sipërfaqe, derisa ka dalë në tokë.
Policia është duke bërë hetime dhe po kërkon nga të gjithë banorët e bregdetit, që të japin dëshmi nëse kanë parë ndonjë aktivitet të pazakontë. /Telegrafi/
