Franca është bërë vendi i fundit evropian që vendos kufizime për udhëtarët në Mbretërinë e Bashkuar, për shkak të përhapjes së variantit indian të coronavirusit.
Sipas BBC, përcjell Telegrafi, të mërkurën, qeveria franceze njoftoi për një karantinë të detyrueshme për këdo që vjen nga Mbretëria e Bashkuar, megjithëse kohëzgjatja ende nuk është konfirmuar.
Përveç Francës, Gjermania po ashtu vendosi karantinë dy-javore për personat që mbërrijnë nga Mbretëria e Bashkuar.
Deri në javën e kaluar, Mbretëria e Bashkuar ka regjistruar 3,424 raste të variantit B.1.617.2.
Shefi mjekësor i Anglisë, Chris Whitty, ka thënë se varianti indian është “më i transmetueshëm”, se sa varianti i Mbretërisë së Bashkuar që u identifikua për herë të parë në Kent, që ishte përgjegjës për valën vdekjeprurëse në vend të infeksioneve me coronavirus këtë dimër. /Telegrafi/