Babai vrasës i Mylee Billingham dërgoi një seri kërcënimesh trishtuese për ish-partneren e tij para se të therte vajzën e tyre për vdekje.
Sipas mediave të huaja, përcjell Telegrafi, William Billingham është shpallur fajtor për vrasjen e tetëvjeçares në shtëpinë e tij pranë Walsall, West Midlands, më 20 janar të këtij viti.
Ai është dënuar me burgim të përjetshëm dhe do të kalojë një minimum prej 27 vjetësh pas hekurave.
Siç thuhet më tej, 55-vjeçari e theri vajzën e tij përmes kraharorit, pasi ishte bërë xheloz pasi mamaja e Mylee, Tracey Taundry nisi një marrëdhënie të gjinisë së njëjtë.
Gjatë gjykimit, gjykatësit në Birmingham Crown Court treguan se si Billingham kishte filluar të bëhej gjithnjë e më shumë xheloz për marrëdhënien e re të ishit të tij dhe kishte frikë se do të humbte fëmijët e tij.
Zonja Taundry i tha gjykatës se si marrëdhëniet e tyre ishin shkatërruar sapo ajo filloi të takohej me dashnoren lezbike Lindsey Andrews. /Telegrafi/