Një vajzë e varur nga ushqimi i shpejtë (fast food) ka arritur ta përgjysmoj peshën e saj trupore, vetëm atëherë kur e kuptoi se fustanin të cilin planifikonte ta vishte në dasmën e vëllait, duhet të zgjerohet paksa dhe t’i shtohen disa pjesë për të “akomoduar” 107 kilogramët e saj.
Chloe Longstaff nga Nuneaton, vazhdimisht konsumonte pica dhe alkool, por kur kjo 23-vjeçare tentoi ta vesh fustanin e kaltër që donte ta vishte në dasmën e vëllait, e kuptoi që ajo duhet ta zgjeroj tek rrobaqepësi për shkak të mbipeshës, transmeton Telegrafi.
Në atë moment ajo u zotua se do të ndryshoj dhe vendosi ta vizitoi mjekun i cili i tha se shëndeti i saj po rrezikohet. Ajo menjëherë i tha lamtumirë ushqimit të yndyrshëm, dhe filloi vazhdimisht të ushtroj në palestër e ti nënshtrohet dietave strikte.
Pas më shumë se katër muaj ushtrime dhe dieta, arriti të bie në 63 kilogramë, duke habitur të gjithë kur u shfaq në dasmë më fustanin që dikur as që mund ta fuste në trup. /Telegrafi/
