Bukëpjekësja që qëndron pas tortës martesore të Princit William dhe Kate Middleton ka kujtuar së fundmi se duhet të largonin një nga dyert e Pallatin Buckingham për ta futur krijimin madhështor në mënyrë të sigurt brenda.
Në një dokumentar të dasmës, të titulluar “The Day Will and Kate Got Married”, Fiona Cairns zbulon se si Mbretëresha bëri vërejtje për ‘çmontimin’ e shtëpisë së saj përpara ditës së madhe të çiftit.
Dokumentari u transmetua sonte (e enjte) në orën 21:00 për të shënuar 10 vjetorin nga dita e dasmës së Dukës dhe Dukeshës së Kembrixhit, e cila u mbajt më 29 prill 2011, shkruan DailyMail.
Bukëpjekësja kujtoi betejat që pati në përgatitjen e tortës martesore, e cila ishte e gjatë 91 centimetra e gjatë.
“Mund ta mbaj mend [Mbretëreshën] duke thënë: ‘Dëgjova që ti po më çmonton shtëpinë’, dhe i thashë asaj: ‘Epo, na duhej të sqyenim një derë nga dhoma më poshtë që karroca të kalonte me tortë”, tha Fiona.
E njohur si Mbretëresha e ëmbëlsirave, Fiona ishte përgjegjëse për pjekjen e tortës më të famshme në historinë e kohëve të fundit – për dasmën e Dukës dhe Dukeshës së Kembrixhit në vitin 2011, e cila u mbajt në Westminster Abbey.
Torta spektakolare me tetë shtresa, e gjatë tri pëllëmbë i detyroi Fionën dhe ekipin e saj që të largonin një nga portat hyrëse për ta futur atë brenda.
Duke kujtuar momentin kur torta u soll nga furra e saj në Pallatin Buckingham, Fiona tha: “Më thanë që Madhëria e saj do të vinte nga dera në krye të galerisë së fotove për të biseduar në mesditë”.
“Kështu që asnjë presion, natyrisht, duke mos e ndërtuar kurrë këtë tortë”, pranoi kuzhinierja, e cila gjithashtu ka bërë torta madhështore më parë për grupet Pink Floyd dhe Simply Red.
Fiona vazhdoi: “Kur Mbretëresha erdhi të na shihte, torta nuk ishte përfunduar plotësisht”.
“Më kujtohet kur ajo thoshte: ‘Dëgjova se ti po më prish shtëpinë”, dhe unë i thashë asaj: ‘Epo, na duhej të zbrisnim një derë nga dhoma më poshtë që karroca të kalonte me tortën’. Por gjithçka u rikthye, kështu që në fund të fundit ishte mirë”, tha ajo.
Dizajni i tortës përmbante punime delikate, fletë, degë dhe spërkatje bazuar në gjuhën e luleve (e cila shpjegon kuptimin simbolik të lulëzimeve të ndryshme), dhe madje pasqyronte veshjet e ndërlikuara të veshjes së dasmës së Kate Middleton.
Rreth 4,000 feta të tortës së William dhe Kate – e cila përbëhej nga 17 shije frutash me 900 lule pastë sheqeri të punuar me dorë – u dërguan si dhurata, ndërsa çifti shërbeu gjithashtu një tortë të tillë në secilën nga pagëzimet e fëmijëve të tyre. /Telegrafi/
