Dy burra tanimë 41-vjeçarë të cilët janë rritur si miq në një qytet të vogël në Kanada, kanë mësuar më në fund se ata ishin ndërruar në lindje.
Leon Swanson dhe David Tait Jr. lindën tre ditë dallim prej njëri-tjetrit në fillim të vitit 1975 në një spital në provincën kanadeze, në Manitoba, përcjell Telegrafi.
Ata thuhet se kishin dyshime për një kohë të gjatë, se mund të jenë ngatërruar, pasi që kishin vërejtur ngjashmëri të mëdha tek prindërit e njëri-tjetrit.
Pastaj, nëntorin e kaluar, pasi të dy gjetën se një gjë e tillë kishte mundur të ndodhte në spital, pas lindjes së tyre, ata u nxitën për të kërkuar një testim gjenetik, përcjell Telegrafi.
Testet e ADN-së konfirmuan se Tait ishte i biri biologjik i Charlotte Mason, gruaja që e kishte rritur Swanson.
Ndonëse Swanson ende nuk ka marrë rezultatet e tij të testimit, familjet janë të sigurt se dyshimet e tyre do të konfirmohen. /Telegrafi/
