Dillian Whyte ka dalë triumfues përballë Oscar Rivas në duelin e fundit eliminator për të sfiduar për titullin WBC dhe tash është sfidues i detyrueshëm për rripin e kategorisë së peshave të rënda që mbahet nga Deontay Wilder.
Boksieri londinez ia doli të rikthehej edhe pasi u rrëzua në raundin e nëntë për të fituar në fund me pikë dhe tash pas 600 ditësh në pozitën e sfiduesit, me plot meritë duhet t’i jepet shansi për të dueluar ndaj boksierit amerikan.
Më poshtë jua sjellim rrjedhën e meçit raund pas raundi:
Raundi 1
Rivas tentoi të marrë qendrën e ringut dhe rrezikonte me të majtën, ndërkohë që Whyte dukej më i qetë.
Raundi 2
Britaniku e godiste në trup, ndërkohë që kolumbiani në një moment dukej i lënduar, por ia doli të mbahej.
Raundi 3
Whyte vazhdoi të merrte pikë dhe vazhdimisht e godiste kundërhstarin në trup.
Raundi 4
Dillian i kishte gjërat nën kontroll, derisa Rivas përpiqet të dilte nga kjo situatë.
Raundi 5
Whyte u pozicionua në qendër të ring dhe dhuroi disa goditje të forta. Edhe ky raund ishte i tij.
Raundi 6
Një goditje e fortë me të djathtën nga Rivas, ndaj të cilës u përmbajt britaniku. Ky raund ishte i kolumbianit.
Raundi 7
Rivas tentoi të ishte i rrezikshëm, por dukej sikur lodhej shpejt, ashtu që Whyte e merrte sërish kontrollin.
Raundi 8
Dillian vazhdonte me goditjet në trup duke i shkaktuar probleme rivalit të tij, i cili e kërkonte momentin për ta goditur.
Raundi 9
Dhe Rivas ia doli! Kolumbiani e rrëzoi britanikun. Mirëpo, ai arriti disi të ngritej në këmbë dhe ta vazhdonte duelin.
Raundi 10
Atmosfera në O2 Arena ishte ngritur në maksimum, duke qenë se në ring po zhvillohej një përballje e madhe. Whyte arriti që të rikthehej pas rrëzimit dhe të tregohej i rrezikshëm për Rivas.
Raundi 11
Whyte e goditi disa herë kundërshtarin e tij, i cili lëvizte nëpër ring dhe ia ktheu edhe ai me goditjet e tij.
Raundi 12
Një duel klasik që shkoi deri në fund. Dillian ishte i lënduar në minutat e fundit, ashtu që ky raund shkoi në favor të Oscar.
Dhe me vendim të gjyqtarëve (115-112, 115-112 dhe 116-111) Dillian Whyte u shpall fitues i këtij dueli. /Telegrafi/
WHYTE VICTORIOUS! @DillianWhyte recovered from a knockdown in the 9th to win a comfortable unanimous decision against Oscar Rivas 👏💪 #Whyte Rivas pic.twitter.com/iV1YunjEJB
— Sky Sports Boxing (@SkySportsBoxing) July 20, 2019