Derbi i xhiros së 16-të të La Ligës të dielën përfundoi me fitoren e Barcelonës ndaj Atletico Madridit me rezultat 1-0, dhe ngjarja më e përfolur e ndeshjes është përballja e çuditshme dhe e ashpër mes Stefan Savic dhe Ferran Torres.
Kjo gjë ndodhi në kohën shtesë të ndeshjes. Ishte minuta e 92-të kur malazezi i Atleticos dhe spanjolli i Barcelonës u gjendën në një betejë të ashpër për topin.
Ata luftuan me, kapën flokët dhe pjesë të ndryshme të trupit të njëri-tjetrit.
Të dy lojtarët u ndëshkuan me karton të kuq për këtë përleshje të pazakontë që ngjante me një luftë UFC.
The gloves are off!! 🥊
Ferran Torres and Stefan Savic are both sent off for this little scrap… 🟥#AtletiBarça pic.twitter.com/Po8DLGLnT0
— LALIGA TV (@LaLigaTV) January 8, 2023
Tani komisioni disiplinor i Federatës Spanjolle të Futbollit ka shpallur dënimet për ‘luftëtarët’ e suspenduar.
Të dy u pezulluan për dy ndeshje. Kështu, Savic do të mungojë në ndeshjet e ligës kundër Almerias dhe Valladolid, dhe Torres nuk mund të luajë kundër Getafe dhe Girona.
OFFICIAL
🚨🚨| 2 match sanction for Ferran Torres (and Savic). pic.twitter.com/BeAEKvHu4c— BarçaVerse Videos (@_BarcaVerse_) January 11, 2023
Në të dyja këto ndeshje, Barcelona nuk mund të llogarisë në Lewandowski, i cili gjithashtu është i suspenduar, kështu që është mjaft i dobësuar në sulm./Telegrafi/