Çifti i njohur, Barbara Palvin dhe Dylan Sprouse konfirmuan se janë fejuar.
Ata njoftuan lajmin e lumtur mëngjesin e së enjtes (15 qershor) pas spekulimeve prej muajsh se do të martoheshin.
Lajmin e kanë ndarë të dy përmes rrjeteve sociale dhe me numrin e ri të V Magazine.
Aktori dhe modelja janë në lidhje prej pesë vitesh. Ata u takuan për herë të parë në vitin 2018 kur ai e kontaktoi atë përmes mesazheve në Instagram.
“E dija që po ndërtonim këtë histori. Pra, unë jam shumë e lumtur që përfunduam duke e bërë atë në mënyrën tonë”, tha Barbara.
Dyshja kanë qenë një nga çiftet e pakta të qëndrueshme të Hollywoodit.
Duke folur për W Magazine në vitin 2019, Dylan foli për mënyrën se si u takuan.
Ai kujtoi se i kishte dërguar mesazhe bukuroshes në Instagram pasi ajo e ndoqi atë rastësisht në rrjetin social.
“Ajo më ndoqi, kështu që unë mendoja se do t’i jap diçka. Dhe unë i dwrgova mesazh”, tha ai për median.
Ai u përpoq të organizonte një takim me modelen e Victoria’s Secret por iu desh më shumë se sa pritej që ajo të përgjigjej.
Ata e zyrtarizuan lidhjen e tyre në Instagram në gusht 2018 dhe bënë debutimin e tyre në tapetin e kuq gjatë Javës së Modës në New York atë shtator.
Thuhet se ata u transferuan së bashku në janar 2019 dhe Barbara u prezantua me vëllain binjak të Dylan, Cole muajin e ardhshëm.
Barbara dhe Dylan nuk kanë turpëruar të tregojnë dashurinë e tyre për njëri-tjetrin në rrjetet sociale, si dhe në numrin e ngjarjeve që kanë marrë pjesë së bashku gjatë viteve.
Ish-ylli i “Disney Channel” ka qenë gjithashtu një mbështetës i zjarrtë i karrierës së modelingut të Barbara, e cila përfshinte kurorëzimin e një engjëlli të Victoria’s Secret në mars 2019.
Ai u ul në rreshtin e parë teksa ajo ecte në pistën e markës së të brendshmeve në 2018.
Para se të niste romancën me Barbara, Dylan ishte në një lidhje afatgjatë me Dayna Frazer, e cila është gjithashtu një modele.
Sa i përket Barbaras, modelja ka qenë vetëm në disa romanca publike gjatë gjithë karrierës së saj dhjetëvjeçare.
Ajo thuhet se ka qenë e lidhur me ish-anëtarin e “One Direction”, Niall Horan dhe muzikantin Julian Perretta. /Telegrafi/