Një burrë është kafshuar për vdekje nga një kobra, derisa po mundohej t’ia qepte gojën me gjilpërë.
Burri nga India kishte gjetur gjarprin me helm vdekjeprurës që po rrezitej në diell, transmeton Telegrafi.
Bhola Nath nga Bihar në lindje të Indisë, ishte fiksuar pas kapjes së gjarpinjve e në veçanti pas kobrave.
Dhe pasi e bëri një gjë të tillë me kobrën që e gjeti në fushë të gjelbëruar, ai u mundua t’ia qep gojën me gjilpërë me qëllim që ta ketë nën kontroll. Dhe derisa po e ngulte gjilpërën në gojën e tij, kobra lëvizi dhe e kafshoi në dorë.
Në ato momente ai nuk ndjeu dhimbje, madje e dërgoi në shtëpi gjarprin. Por disa orë më vonë u dërgua me urgjencë në spital, pasi që helmi kishte depërtuar në të gjitha pjesët e trupit.
Mjekët konstatuan vdekjen e tij, ndërsa familjarët e nervozuar masakruan gjarprin si shenjë hakmarrje për vdekjen e të afërmit të tyre. /Telegrafi/
