Nën organizimin e Federatës së Shigjetarisë së Kosovës dhe të klubit nikoqir Toksark Siparentum nga Peja, është mbajtur ‘Kupa e Pavarësisë 2018’.
Kjo garë madhështore u mbajt në shenjë të festimit të përvjetorit të dhjetë të shpalljes së pavarësisë së Kosovës.
Në këtë garë morën pjesë rreth 60 garues nga tetë klube të Kosovës, të cilët garuan në të gjitha kategoritë dhe disiplinat në divizionin ‘recurve’ dhe ‘compound’.
Kjo garë u mbajt si pas normave dhe rregullave të federatës botërore world Archery, dhe u mbajt në një ambient tejet të përshtatshëm, në palestrën e re të shkollës SHFMU “Lidhja e Prizrenit” në Pejë.
Vlen te theksohet se kjo garë shënoi njëherit fillimin e sportit të qitjes me hark në Qytetin e Pejës.
Nderi i hapjes se kësaj gare i takoi Virtyt Gacaferit, themelues dhe kryetari i klubit Toksark Siparentum, nga Peja, i cili gjuajti shigjetën e parë për të shpallur këtë garë të hapur.
Pas drekës së organizuar nga klubi nikoqir për të gjithë pjesëmarrësit, u bë shpallja e rezultateve, ku më të mirët u stolisën me certifikata dhe mirënjohje.
