Krim i rende brenda familjes ne Shkodër. Burri ka vrare bashkëjetuesen e tij, duke e qëlluar disa herë në kokë me çekiç dhe ajo ka gjetur vdekjen si pasojë e plagëve.
Mësohet se ngjarja e rendë ka ndodhur pas një zënke për motive të dobëta. Çifti i të moshuarve kishin rreth tre vite që bashkëjetonin dhe viktima ishte gruaja e dytë e 60 vjeçarit dhe njiheshin si çift që kishin zënka dhe probleme të vazhdueshme me njeri tjetrin.
Policia benë me dije se në pranga është vënë shtetasi Bashkim Teli, 69 vjeç, banues në Shkodër.
“Nga Specialistët për Hetimin e Krimeve të Rënda në D. V. P Shkodër, u bë arrestimi i shtetasit: Bashkim Teli, 69 vjeç, banues në Shkodër.
Ky shtetas mbrëmjen e djeshme në lagjen “Qemal Stafa”, në banesën e tij, për motive të dobëta ka goditur, disa herë në kokë me sende të forta (çekiç), bashkëjetuesen e tij shtetasen S.Sh., 58 vjeçe, e cila për pasojë ka gjetur vdekjen”, ka njoftuar Policia e Shqipërisë.
Sipas Policisë si provë materiale ka sekuestruar sendit me të cilin autori ka qëlluar viktimën.
“Materialet hetimore do ti kalojnë Prokurorisë Pranë Gjykatës së Shkallës së Parë Shkodër për veprën penale “Vrasje për shkak të marrëdhënieve familjare”, parashikuar nga neni 79/c i Kodit Penal”, theksohet në njoftimin e Policisë. /Telegrafi/
