Një 15-vjeçare transeksuale, e cila lindi si djalë, ka treguar se si ajo u rikthye në shkollë pas pushimeve verore si vajzë.
“Me flokët e saj të zeza me shkëlqim dhe me mollëza të konturuara me profesionalizëm, Kairah Kelly, nga Middlesbrough, ka marrë inspirim nga një yll i famshëm televiziv”, shkruan “Daily Mail.
Deri kohët e fundit, ajo ishte e njohur si Tyler, për shokët e klasës së saj, duke kaluar shumicën e jetës duke luftuar me identitetin e saj, përcjell Shekulli.
Por në shtator të këtij viti ajo u kthye në shkollë si Kairah, dhe thotë se mësuesit nuk e kanë njohur me pamjen e saj të re.
“Ndihesha shumë ndryshe dhe e huaj. Shikohesha në pasqyrë dhe personi që shihja ishte i panjohur”, shpjegoi Kairah duke folur për jetën para transformimit të saj.
Në moshën 11-vjeçare, e ëma e saj Angela, e lejoi atë që të bënte makijazh por jo në shkollë. 15-vjeçarja shprehet se edhe pse mami i dha pak liri, ajo përsëri nuk ndihej mirë.
Ajo shprehet se i pëlqen Kim Kardashian dhe se ka shumë dëshirë që ta takojë.
