Punëtorët e tregut kanë reaguar me pastrim pasi ditë më parë janë evidentuar papastëri në hapësirën pranë Qendrës Kryesore të Mjekësisë Familjare (QKMF) në lagjen “Dardania” të Gjilanit.
Kushtrim Kadriu, Kryesues i Kuvendit Komunal bëri të ditur se tashmë mbeturinat janë larguar dhe gjendja është përmirësuar.
“Reaguam sot; gjendja u përmirësua falë punës së punëtorëve të tregut”, ka shkruar ai.
Ndryshe, Kadriu pati një video ku ishte pasqyruar gjendja e rënduar e mbeturinave në këtë zonë publike.
“Gjendja e papastërtisë pranë QKMF-së në lagjen Dardania”, ka shkruar ai, duke shtuar se pamjet tregojnë mbeturina dhe mungesë mirëmbajtjeje në këtë zonë. /Telegrafi/
