Poetit të mirënjohur Ali Podrimja iu dha çmimi për vepër jetësore, ndërkaq për vepër më të mirë të botuar brenda një viti këtë çmim e mori Nysret Krasniqi për veprën "Udha kratilike".
Duke ua dorëzuar laureatëve çmimet ministri i Kulturës Valton Beqiri tha se këtë çmim ministria e ndan me qëllim të ndihmës dhe ngritjes së cilësisë në letërsinë tonë, kurse çmimi jepet në ditëlindjen e krijuesit të shquar Azem Shkreli.
Juria e çmimit kombëtar "Azem Shkreli", në përbërje Jusuf Buxhovi, kryetar, Arif Demolli dhe Avdi Visoka, anëtarë, në motivacionin për dhënien e çmimit për vepër jetësore thekson se Ali Podrimja është zëri më i veçantë, më me ndikim në poezinë tonë të gjysmës së dytë të shekullit të kaluar dhe të këtij fillim shekulli. /qik/