Southampton kishte bërë ofertë prej 13 milionë eurosh, por që u refuzua nga klubi i Serie A, Lecce për mesfushorin, Morten Hjumland.
Lece e ka blerë danezin Hjulmand për vetëm 170 mijë euro nga klubi austriak i Amira Wacker.
Shenjtorët forcuan mesfushën e tyre me Carlos Alcaraz në afatin kalimtar të dimrit. Ata shpenzuan një shumë prej mbi 13 milionë euro për të marrë shërbimet e tij nga skuadra argjentinase Racing Club de Avellaneda.
Megjithatë, Alcaraz nuk ishte i vetmi mesfushor që Southampton ishte i interesuar për nënshkrimin në janar. Kishte pretendime se klubi ka zhvilluar bisedime me Leccen për një marrëveshje për Hjumland.
Për danezin kishte interesim në Angli edhe nga Leeds United dhe Nottingham Forest.
Presidenti i Lecces, Sticchi Damiani, zbuloi vetë se klubi ka refuzuar një ofertë ‘të rëndësishme’ nga një klub i Ligës Premier në janar.
“Ne kemi refuzuar një ofertë të rëndësishme për Morten Hjulmand në janar – ishte rreth 13 milionë euro”, ka thënë Damiani.
Këtë e ka konfirmuar edhe gazetari Fabrizio Romano, duke shtuar se oferta ishte të paktën 7 milionë euro më pak se vlerësimi i Lecces./Telegrafi/