Derisa Twitter vazhdon të punojë në zhvillimin e mjeteve të saj që përdoruesit të fitojnë para, kompania po e teston aktualisht mjetin në profil të llogarisë për ‘Super Ndjekësit’, i cili do të siguronte një pasqyrë të shpejt se sa abonues ka secili përdorues në platformë.
Siç mund ta shihni në fotografi, të publikuar nga eksperti i inxhinierisë, Jane Manchun Wong, mjeti i ri i ‘Super Followers’ apo ‘Super Ndjekësit’ do të shfaqet së bashku me numrin tuaj të rregullt të ndjekësve, gjë që mund të ndihmojë për të frymëzuar më shumë njerëz që të regjistrohen gjithashtu për të paguar për statusat në Twitter dhe për përmbajtje tuaj shtesë.
Sipas medieve të huaja, përcjell Telegrafi, opsioni i ardhshëm në Twiter i Super Ndjekësve do t’iu sigurojë krijuesve një mënyrë tjetër për të gjeneruar të ardhura të drejtpërdrejta nga përpjekjet e tyre në platformë, duke vendosur një tarifë mujore për t’iu dhënë adhuruesve qasje në një sërë përmbajtjesh shtesë dhe të veçorive të tjera.
Siç mund ta shihni në këtë shembull, duke u regjistruar, për shembull për 4.99 dollarë në muaj, Super Ndjekësve do t’ju jepet qasje e zgjeruar në gazetat, në përmbajtje ekskluzive dhe të tjera. /Telegrafi/
