Ky rrjet për shoqërim ka paralajmëruar në njoftimin e publikuar në blogun e tij zyrtar se ka pamundësuar punën e aplikacioneve vijuese: UberTwitter e cila është për platformën BlackBerry, Twitroyd për pajisjet Android dhe UberCurrent e cila shfrytëzohet në pajisjet iPad e Phone.
Pronari i të tri aplikacioneve është kompania UberMedia e cila ka qenë kohë më parë në lajme për shkak të planeve të saj për të blerë klientin e popullarizuar të Twitterit – TweetDeck.
Twitter njofton se kjo kompani disa herë ka tërhequr vërejtjen për problemin e shkeljes së licencave nga ana e aplikacioneve të përmendura. /Telegrafi/