“Miss Universe Kosova 2020”, Tuti Sejdiu, së fundmi është mirëpritur në takim nga ish-presidentja e Kosovës, Atifete Jahjaga.
Në takimin e tyre, bukuroshja nga Gjilani theksoi se biseduan për një projekt që pritet të finalizohet së shpejti për t’u dalë në ndihmë viktimave të luftës dhe abuzimeve të ndryshme.
Ajo po ashtu e ka falënderuar presidenten e parë femër për këshillat dhe mbështetjen që ia ka bërë.
Postimi i plotë i Tutit (pa ndërhyrje):
“Sot, kisha nderin ta takoj, presidenten e parë femër të Kosovës, Atifete Jahjagën.
Me të bashkëbiseduam për një projekt, të cilin pritet ta realizoj së shpejti.
Fjalët,kshillat dhe mbështetja e saj luajn një rol shumë të rëndësishëm për mua gjatë këtij rrugetimi që së shpejti do ta filloj.
Ëndrrën të cilën e kam pasur gjithmonë, për të ndihmuar viktimat e dhunës, trafikimit dhe të abuzimeve të ndryshme që fatkeqësisht shumë femra po edhe meshkuj i përjetojnë gjatë jetës.
Theksoj që gjithçka do të jetë në mënyrë ligjore dhe profesionale.
Le të jetë bota një vend i bukur dhe paqësor për secilin prej nesh”. /Telegrafi/