Turqia dhe Kosova do të përballen sonte me fillim nga ora 18:00 në kuadër të kualifikimeve për Kampionatin botëror ‘Rusi 2018’.
Ndeshja do të zhvillohet në stadiumin e ri të Antalyas, i cili ka një kapacitet prej 32 mijë ulëseve.
Federata e futbollit të Turqisë ka vendosur që në secilën ulëse të ketë nga një flamur kombëtar të Turqisë.
Kështu gjatë gjithë ndeshjes tifozët vendas përpos që do ta përkrahin Kombëtaren e tyre do të mbajnë edhe flamurët kombëtar në duar.
Kosova nuk do të jetë vetëm pasi shumë tifozë kosovar kanë udhëtuar nga vendi ynë për ta përkrahur Përfaqësuesen tonë. /Telegrafi/
