Helikopterët sulmues të Turqisë po përdoren në terrene të ndryshme dhe në misione të vështira për “operacionet kundër terrorizmit”.
Dhe Ministria e Mbrojtjes Kombëtare e këtij vendi, më së fundi ka shpërndarë disa pamje në të cilat thuhet se tregohen stërvitjet ushtarake të bëra me helikopterë të zbulimit taktik dhe sulmues T129 (Atak) që synojnë “elementë terroristë” në disa rajone.
Përveç pamjeve të natës dhe ditës, videoja përfshinte edhe pamjet e operacionit të realizuara gjatë muajve të verës dhe dimrit.
Kështu, në pamjet e publikuara nga ministria, shkruajnë mediat turke, përcjell Telegrafi, ishin të dukshme momentet kur atakët goditën objektivat e mbyllura me saktësi.
Türkiye’s domestic attack helicopters to hunt down terrorists in toughest conditions, defense ministry says, sharing video footage of military drill with the choppershttps://t.co/9xO7r0Cz0l pic.twitter.com/pkQtLcF8XE
— DAILY SABAH (@DailySabah) October 24, 2022
Këta helikopterë të veçantë janë projektuar dhe zhvilluar nga Industritë e Hapësirës Ajrore Turke (TAI) dhe fuqizohen nga motorë të prodhuar nga LHTEC, një ndërmarrje e përbashkët e Rolls Royce britanike dhe Honeywell, një kompani amerikane.
Filiali i prodhimit të motorëve të TAI, TUSAŞ Engine Industries (TEI), ndërkohë filloi një projekt për të zhvilluar një motor vendas për helikopterin, turboboshtin TEI-TS1400.
T129 ATAK është një helikopter i gjeneratës së ardhshme, me dy ulëse, me dy motorë, i projektuar posaçërisht për sulm dhe zbulim. /Telegrafi/