Zëvendëspresidenti i Komisionit Europian, Frans Timmermans në një adresim për medie ka thënë se Turqia ende nuk ka përmbushur kriteret e kërkuara për liberalizimin e vizave.
Ai ka deklaruar se deri në qershor, shteti turk duhet të plotësojë një varg kriteresh, ndër to shumë me rëndësi është pasja e pasaportave biometrike, në mënyrë që të ipet drita e gjelbër për rekomandimin për liberalizim të vizave, njofton Klan Kosova.
“Turqia ende ka shumë reforma për të bërë , janë 72 kushte që i janë bërë të qartë të plotësohen që të ketë lëvizje të lirë”.
“Ajo ka bërë një punë impresive, por ka edhe shumë punë për t’u bërë. Nëse vazhdojnë me këtë progres janë afër lëvizjes së lirë. Janë pesë kushte, pesë kritere që Turqia presim t’i përmbush para qershorit, për ta përmbyllur liberalizimin e vizave – ndër to më me rëndësi janë edhe pasaportat e reja, të cilat duhet të jenë biometrike”.