Turqia ka kryer një sulm ajror në Irakun verior pas një sulmi vetëvrasës me bombë në kryeqytetin Ankara, tha ministria e saj e mbrojtjes.
Sipas mediave të huaja, përcjell Telegrafi, sulmi ajror shkatërroi 20 objektiva që i përkisnin grupit militant kurd PKK, i cili mori përgjegjësinë për sulmin në Ankara.
Ndryshe, më herët të dielën, dy oficerë policie u plagosën në një sulm në Ankara, disa orë përpara se parlamenti të ishte planifikuar të rihapte punimet pas një pushimi veror tre-mujor.
Dy terroristë kryen sulmin, tha ministri i brendshëm i Turqisë, Ali Yerlikaya. Njëri vdiq nga shpërthimi dhe tjetri u vra në një shkëmbim zjarri me policinë.
Ndërsa në një deklaratë në X, ish-Twitter, një zëdhënës i qeverisë turke tha: “Operacione ajrore u kryen kundër objektivave terroriste në rajonet Metina, Hakurk, Kandil dhe Gara në veri të Irakut në orën 21:00 më 1 tetor dhe kundër Organizatës Terroriste Separatiste (BTO)”.
“Gjithsej 20 objektiva, të përbëra nga shpella, bunkerë dhe magazina të përdorura nga terroristët përgjegjës, janë shkatërruar”.
“Shumë terroristë u neutralizuan duke përdorur sasinë maksimale të municioneve vendase dhe kombëtare në operacionet e kryera”. /Telegrafi
/