Policia turke ka arrestuar 62 persona si pjesë e hetimit të një qendre këmbimi për kripto-valutat, e cila akuzohet për mashtrim ndaj investitorëve të saj.
Agjencia informative Anadolu, tha këtë të premte se prokurorët kanë lëshuar urdhër arrest për 16 persona të tjerë të lidhur me qendrën valutore Thodex.
Këtë të enjte, prokuroria e përgjithshme e Stambollit deklarojë se hetimet për qendrën Thodex kishin nisur pas disa raportimeve nga përdoruesit e sistemit të saj, të cilët ankoheshin se nuk mund të aksesonin të ardhurat e tyre. Mendohet se ky rast ka prekur 391,000 investitor dhe një shumë prej afërsisht 2 miliard dollar (1.9 miliard euro) në investime.
Drejtuesi i kompanisë Thodex, Faruk Fatih Ozer i ka përgënjeshtruar të gjitha pretendimet kundër tij me anë të një deklarate në Twitter, ku thotë se ky është thjesht një sulm për të prishur imazhin e kompanisë së tij.
Ai ka deklaruar se kompania ishte detyruar të ndalonte shkëmbimet në bursë për një kohë të shkurtër pasi ishte dalluar një aktivitet i dyshuar si sulm kibernetik. Ozer shton se akuzat se paratë e investitorëve janë zhdukur janë thjesht pretendime të rreme.
Sipas agjencisë Anadolu, Ministria e Drejtësisë turke ka kërkuar ekstradimin e Ozer nga Shqipëria, ku mendohet të jetë larguar më herët këtë javë. Ozer konfirmon se ndodhet jashtë vendit por thotë se arsyeja është vetëm për një takim pune me investitorë të huaj.
Javën e shkuar, Banka Qendrore Turke lajmërojë ndalimin e përdorimit të çdo lloj kriptovalute në vend, si mënyrë pagese për mallra dhe shërbime, duke e argumentuar me faktin se ato paraqesin rriqse te parevokueshme.
Citimi gjithashtu shtojë se kriptovalutat rrezikojnë të përdoren në “vepra të jashtëligjshme si pasojë e strukturës së tyre anonime” si dhe përmendet rreziku i përdorimit të tyre “të jashtëligjshëm pa autorizimin e pronarëve të tyre”.
Ky vendim erdhi në një kohë që Turqia i ishte kthyer kriptovalutave si një mundësi mbrojtje e kursimeve të tyre, pasi shifrat e inflacionit të lirës turke janë gjithnjë në rritje./Euronews.al