Ushtria turke pretendon se ka vrarë të enjten me sulme nga ajri të paktën 200 kurdë të Sirisë, pjesëtarë të asaj që njihet si njësia e mbrojtjes së popullsisë “YPG”.
Nëse konfirmohet, ky do të ishte sulmi më vdekjeprurës ndaj këtij formacioni ushtarak. Vetë milicia e kurdëve të Sirisë njofton vetëm 10 të vrarë në radhët e saj.
“YPG” mbështetet nga Shtetet e Bashkuara, që e konsiderojnë atë një aleat kyç në përpjekjet për të luftuar grupin Shteti Islamik.
Por, Ankaraja e akuzon grupin “YPG” si organizatë terroriste të lidhur me kurdët e Turqisë, të Partisë së Punëtorëve të Kurdistanit, të cilët luftojnë shtetin turk.
Sulmet e ushtrisë turke besohet të jenë një përpjekje për të mos i lejuar forcat kurde të marrin qytetin al-Baba që kontrollohet nga Shteti Islamik. Forcat turke janë vetë të angazhuara në operacionet ushtarake për marrjen e këtij qyteti.
Sekretari amerikan i Mbrojtjes Ash Carter pritet të shkojë në Ankara të premten për bisedime me presidentin Recep Tayyip Erdohan për çështjen e Sirisë dhe ofensivën për të çliruar Mosulin.
Gjithashtu, Carter pritet të kërkojë shmangien e një përplasje edhe me të ashpër mes Turqisë dhe forcave të kurdëve sirianë. /BalkanWeb/