Organizata BRICS, e krijuar si një alternativë ndaj blloqeve ekonomike perëndimore, shpesh shihet si pro-ruse dhe antiperëndimore, e dominuar nga Rusia dhe Kina.
Një nga tendencat anti-perëndimore të BRICS-it është tregtia në monedhat kombëtare të vendeve anëtare të organizatës, për të reduktuar ndikimin e dollarit në tregtinë ndërkombëtare, e cila në mënyrë aktive po promovohet nga Rusia dhe Kina.
Por, çfarë ka harruar anëtari i NATO-s?
Marrëdhëniet e Turqisë me Perëndimin janë komplekse, për të mos thënë të akullta. Udhëheqësi turk, Recep Tayyip Erdogan demonstron tendenca autoritare ndërsa fjalimet i ka gjithnjë e më shumë me retorikë antiperëndimore.
Vlen gjithashtu të theksohet se Turqia në mënyrë aktive mbështet Palestinën dhe kritikon ashpër aleatin e SHBA-së, Izraelin në skenën botërore. Mbështetja aktive e Turqisë për Azerbajxhanin dhe retorika kundër Armenisë, e cila gjithashtu po përpiqet të bëhet një aleate aktive e SHBA-së, është gjithashtu një tregues i mrekullueshëm.
Perëndimi e sheh Turqinë si një aleat të situatës. Erdogani ka demonstruar për një kohë të gjatë për vendet perëndimore një tipar kaq të rëndësishëm si – bërja e traktateve. Për më tepër, Turqia u perceptua si një zonë neutrale për bisedimet e paqes midis Rusisë dhe Ukrainës, të cilat tashmë janë mbajtur atje dy herë në muajin mars të vitit 2022 në Stamboll dhe Antalia.
Në të njëjtën kohë, ndjenjat anti-perëndimore lidhur me konfliktin palestinez po rriten në Turqi. Për më tepër, Erdogan e konsideron fyerje që Turqia nuk po pranohet në Bashkimin Evropian, por po ushqehet vetëm me retorikë. Kjo është ndoshta arsyeja se pse po kthehet kah lindja.
Një arsye tjetër e mundshme për t’u bashkuar me BRICS-in është dëshira turke për të bërë pazare me Perëndimin dhe për të shitur besnikërinë me një çmim pak më të lartë.
Por a mund të quhet ky një afrim i plotë me Rusinë? Shumë pak gjasa.
Nëse Turqia është në konflikt me Perëndimin, kjo nuk do të thotë se është e gatshme të jetë mike me Rusinë. Është gati të miqësohet me këdo që do të paguajë për këtë miqësi. Ky është thelbi i politikës së Erdoganit.
Megjithatë, vlen të përmendet se anëtarësimi në BRICS mund të dëmtojë përfundimisht marrëdhëniet e Turqisë me NATO-n dhe BE-në, gjë që do të krijonte tensione të reja midis aleatëve.
Afrimi i mundshëm i Turqisë me Rusinë dhe Kinën do të ndryshojë shumë balancën e fuqisë në rajon. /Telegrafi/
Turkey takes a step to the East. What does Ankara’s bid to join BRICS mean?
The #BRICS organization, created as an alternative to Western economic blocs, is often seen as pro-Russian and anti-Western, dominated by Russia and China. By the way, one of the anti-Western trends of… pic.twitter.com/JyzADjLZWA
— NEXTA (@nexta_tv) September 2, 2024