Agjencia e Statistikave të Kosovës (ASK), ka publikuar raportin vjetor të Statistikave të Hotelerisë për vitin 2023.
Në kuadër të hulumtimit të Hotelerisë dhe Turizmit, në vitin 2023, numri i vizitorëve (vendorë dhe të huaj) ishte 621 mijë e 486, prej tyre 42,4%, ishin vendorë dhe 57,5% ishin të jashtëm.
“Numri i net-qëndrimeve ishte 1 milion e 547 mijë e 462, prej tyre 51,7% nga vendorët dhe 48,2% nga të huajt”, ka njoftuar ASK.
Numri i vizitorëve dhe net qëndrimeve 2019 – 2022
Në vitin 2023 numri i vizitorëve vendor është rritur për 61,9% në raport me vitin 2022, netë-qëndrimet e vizitorëve vendorë janë rritur për 199,0%.
“Kemi rritje te vizitorëve të jashtëm për rreth 20,2%, kurse netë-qëndrimet e vizitorëve të jashtëm janë rritur për 37,0% ne raport me vitin 2022”, thuhet tutje në njoftim.
Numri i vizitorëve të brendshëm dhe net qëndrimet e tyre sipas regjioneve
Numrin më të madh të vizitorëve te brendshëm e ka regjioni i Pejës me 86,470 vizitor dhe më 409,293 netë-qëndrimi.
Numri i vizitorëve te jashtëm dhe net qëndrimet e tyre, sipas shteteve prej nga vijnë
Sa u përket vizitorëve të huaj krahasuar me periudhën paraprake (2022) ka një rritje të vizitoreve për 20,2%. Në total 357,717 vizitorë të huaj, nga të cilët numri më i madh është nga Shqipëri, Gjermania, Zvicra Turqia etj.
Pushime dhe udhëtime të banorëve të Republikës së Kosovës
Numri i individëve që kanë pasur te paktën 1 udhëtim me netë-qëndrimi brenda apo jashtë Kosovës është 713 532.
Numri i vizitorëve të jashtëm sipas qëllimit të udhëtimit dhe muajve gjatë vitit 2022
Të dhënat e më poshtme janë te grumbulluara nga pikat kufitare, ku numri total i vizitorëve të jashtëm që kanë hyrë në territorin e Republikës së Kosovës gjatë periudhës Janar – Dhjetor 2023 ishte 6 milionë e 416 mijë 443.
