Ky anëtar i zemëruar i Gardës së Mbretit në Britani nuk ishte shumë i kënaqur me një turiste që u përpoq dy herë të kapte frerët e kalit.
Gruaja e veshur me një pallto të bardhë, fund blu dhe çizme të zeza shihet e buzëqeshur dhe e lumtur teksa përpiqet të pozojë për një foto, transmeton Telegrafi.
Duke parë nga kushdo që po bën foton, ajo më pas bën përpjekjen e saj të parë për t’u mbajtur pas frerëve të kalit.
Kjo shkakton një përgjigje të zemëruar nga ushtari me të kuqe, i cili bërtet: ‘Largohu nga frerët!’, duke e befasuar atë.
Vajza më pas tenton për herë dytë të njëjtën gjë dhe mori të njëjtin reagim nga rojtari. /Telegrafi/