Ky është momenti kur turistët e tmerruar vrapojnë për ta shpëtuar kokën, kur një person i armatosur me pushkë automatike fillon të shtie në turmë në një restorant në Costa del Sol të Puerto Banus.
Policia spanjolle mbrëmjen e kaluar ishin vënë në kërkim të paktën dy personave, përfshirë një burrë që kishte përdorur pushkë automatike në incidentin dramatik, transmeton Telegrafi.
Pamjet amatore shfaqin momentin para të shtënave, ku shihen dy turistë duke ikur nga sulmuesi i cili kishte dalë nga vetura i armatosur dhe shoqëruar nga një person tjetër.
Kjo situatë dramatike ka ndodhur në mes të ditës në qendër të qytetit – pranë një qendre tregtare ku ka shumë kafiteri, zyra e restorante.
Të shtënat thuhet se ishin drejtuar kah një restorant, emri i të cilit nuk është zbuluar. Për fat të mirë, nga këto të shtëna nuk ka patur të lënduar. Deri më tani nuk raportohet as për të arrestuar. /Telegrafi/
