Ministri i Drejtësisë Nikolla Tupançevski nuk ka dashur të komentojë shumë për zgjedhjen e Islam Abazit për kryetar të ri të Prokurorisë për krim të organizuar dhe korrupsion.
“Megjithatë, autoriteti ekzekutiv do të bëjë mirë t’i përmbahet kompetencave të tij. Nuk ka rëndësi se cila është zgjedhja. Ky është modeli i tretë ku po mundohemi të arrijmë modelin e duhur ku do të përjashtohen ndikimet e jashtme në lidhje me përzgjedhjen e personit të parë të Prokurorisë.
Modeli që po testojmë aktualisht ka shfaqur disa dobësi. Në të ardhmen ajo që duhet bërë është që ai model të mos zhvillohet plotësisht dhe nëse shtohen disa kritere shtesë në lidhje me zgjedhjen e prokurorit, mendoj se do të arrijmë rezultate më të mira dhe përzgjedhje më objektive”, tha Tupançevski.
Ministri theksoi se i ka parë fotot e Abazit me anëtarë të BDI-së dhe thotë se “koha do të tregojë nëse këto hipoteza dhe supozime pas zgjedhjes së tij kanë vërtet bazë”./Telegrafi/