Altuna Sejdiu – Tuna e ka publikuar një fotografi nga Berlini, teksa ka pozuar në një lokacion të njohur historikisht që mban emrin “Checkpoint Charlie”.
“Checkpoint Charlie” është emri i vënë nga aleatët perëndimorë për pikëkalimin më të njohur të Murit të Berlinit, ndërmjet Berlinit lindor dhe perëndimor gjatë Luftës së Ftohtë (1947–1991), njofton Telegrafi.
Kjo pikë u bë simbol i Luftës së Ftohtë që nënkuptonte ndarjen ndërmjet Lindjes dhe Perëndimit. Gjatë Krizës së Berlinit në vitin 1961, tanket amerikane dhe sovjetike u vunë përballë për një kohë të shkurtë pikërisht në këtë lokacion.
Pas shpërbërjes së Bllokut Lindor dhe ribashkimit të Gjermanisë, ndërtesa në ‘Checkpoint Charlie’ është bërë një atraksion turistik. Tash lokalizohet në ‘Muzeun Alliierten’ në lagjen Dahlem të Berlinit.
Këngëtarja nga Shkupi e ka përshkruar fotografinë thjeshtë: “Berlin”.
Ndryshe, Tuna është në pritje të fëmijës së parë me partnerin e saj, Patris Berisha. /Telegrafi/