Fotografitë shfaqin gjendjen dëshpëruar të fermerëve në Kenia, të mbjellat e të cilëve po shkatërrohen nga tufa masive të karkalecave.
Këto insekte janë rritur shumë në numër dhe po hanë të gjitha frytet dhe bimët e rritura, mos iu lënë banorëve që të kenë çfarë të vjelin, transmeton Telegrafi.
Kjo është gjendja më e rëndë me karkaleca në 70 vitet e fundit, në këtë zona ku edhe ashtu vuajnë nga uria shkaku i varfërisë së madhe.
Specialistët e Kombeve të Bashkuara, vlerësojnë se kur të arrijnë të reshurat pas dy muajsh numri i karkalecave do të rriten edhe më shumë, para se të largohen në tërësi gjatë thatësisë së qershorit.
“Duhet të veprojmë menjëherë”, ka thënë David Phiri, kreu i Organizatës së Kombeve të Bashkuara për Ushqim dhe Agrikulturë.
Rreth 50 milion euro nevojitet të investohen në pesticide, që është një ndër mënyrat e vetme për largimin e tyre.
Mirëpo, është problem në disa pjesë të Somalisë, ku veprojnë grupet ekstremiste dhe është vështirë të depërtohet.
Derisa po vazhdon kjo situatë, banorët po mundohen që t’i largojnë karkalecat duke i frikësuar me mjete të ndryshme. /Telegrafi/
