Një video që po qarkullon në rrjete sociale tregon një tufë me nëntë ujqër që ulërijnë pranë shtëpizës së një çifti në Quebec, Kanada.
Michee Jules, 34 vjeç, dhe gruaja e tij Maya Jules, 33, ishin në Quebec për të festuar ditëlindjen e Michee kur hasën në një pamje të papritur.
Festa e tyre mori një kthesë befasuese ndërsa ujqërit u mblodhën jashtë kabinës së tyre, duke ulëritur, përcjell Telegrafi.
Edhe pse ata ishin paralajmëruar për praninë e ujqërve në zonë, asnjëri nuk priste të shihte kaq shumë jashtë vendit të tyre me mure xhami.
“Ishte një përvojë e mirë të dëshmosh këto kafshë nga afër”, tha Michee.
NEW: Pack of nine wolves surrounds a New Jersey couple’s cabin in Quebec, Canada, while on vacation
Michee Jules, 34, and his wife Maya Jules, 33, visited Quebec, Canada, in February to celebrate Michee’s birthday
They had been warned about wolves in the area but didn’t expect… pic.twitter.com/o9GPCLK6oA
— Unlimited L’s (@unlimited_ls) October 16, 2024
Çifti qëndroi në kabinë për një javë dhe raportoi se kishte parë ujqërit çdo ditë.
Ndërkohë, Kanadaja është shtëpia e një popullate të madhe ujqërsh, e dyta më e madhe në botë pas Rusisë.
Sipas Fondit Ndërkombëtar për Mirëqenien e Kafshëve, Kanadaja ka mbi 50,000 ujqër të hirtë. /Telegrafi/