Udhëheqësit e Bashkimit Evropian dhe kryeministri i Greqisë, Alexis Tsipras, kanë diskutuar për krizën e borxhit të Greqisë gjatë natës në Bruksel.
Liderët e BE-së kanë thënë se Tsipras është zotuar se do të sigurojë listën e refomave specifike në ditët e ardhshme, të cilat do të përmirësojnë bilancin e vendit të tij.
Tsipras ka thënë se është më optimist pas bisedimeve me liderët e Gjermanisë, Francës dhe të institucioneve të BE-së.
Athina është gati për të mbetur pa para dhe mund të falimentojë muajin e ardhshëm nëse nuk merr fonde të freskëta.
Tsipras, i cili ka ardhur në pushtet në muajin janar, kundërshton masat e ashpra të kursimit, të cilat janë kusht për kreditë ndërkombëtare./Telegrafi/