Trupi i një njeriu nga Illinois u gjet brenda një cisterne të mbushur me benzinë javën e kaluar, pasi dy shoferë kamioni që po e shkarkonin atë vunë re se karburanti nuk po rridhte si normalisht, sipas raporteve.
Sipas medieve të huaja, përcjell Telegrafi, shoferët e kamionëve e zbuluan trupin të premten në mëngjes në një qendër transferimi të gazit pak jashtë Buckley, një fshat rreth 100 milje në jugperëndim të Çikagos.
Shoferët thanë se kishin probleme me shkarkimin e gazit nga cisterna për disa ditë dhe nuk kishin ide se si përfundoi trupi aty brenda, tha Hetuesi Bill Cheatum.
Bëhet e ditur se shoferët e raportuan incidentin në polici derisa u krye të shtunën edhe një autopsi. Hetuesi Cheatum vuri në dukje se trupi ishte i paprekur, megjithëse ai nuk tha nëse përfshihej një “lojë e ndyrë”.
Mbetet gjithashtu e paqartë se për sa kohë trupi qëndroi në cisternë, shtoi ai.
Sidoqoftë, burri ishte zhdukur për 10 ditë. Familja e tij tha se ata besonin se ai kishte shkuar në një udhëtim. /Telegrafi/
