Trupi i pajetë i Ahmet Krasniqit dhe varrimi i tij (Foto/Video, +18)

Në këtë xhirim, përveç familjarëve dhe miqve të Krasniqit të ndjerë, shihen edhe disa prej ministrave të Qeverisë së Republikës së Kosovës (si kryetari i tashëm i LDK-së, Isa Mustafa – atëherë ministër i Ekonomisë dhe Financave), deputetë të Kuvendit të Kosovës që kishin shpallur Republikën e Kosovës (ndër të cilët Ilaz Ramajli, atëherë shef i Zyrës së Kosovës në Tiranë), si dhe personalitete të shumta shtetërore, politike e publike të Kosovës dhe të Shqipërisë.

LEXO PO ASHTU: Vrasja e kolonel Ahmet Krasniqit, flet kushëriri i parë

Ahmet Krasniqi është ekzekutuar më 21 shtator 1998 në Tiranë, në moshën 50-vjeçare. Trupi i tij prehet në varrezat e Sharrës, shumë pranë mikut të tij Azem Hajdari. Vrasja e tij ende mbetet e pandriçuar.

LEXO PO ASHTU: Qeveria shqiptare duhet të tregojë vrasësit

Telegrafi më poshtë ju sjellë edhe ca foto dhe dokumente të papublikuara më parë, që janë pjesë e arkivit të fotografit Fahredin Spahija. Këto dokumente Spahija ia ka ofruar enkas Telegrafit dhe botohen me lejen e tij.

Ahmet Krasniqi dhe artisti i mirënjohur i fotografisë, Fahredin Spahija. Fotografia është bërë më 11 mars 1998. Kjo është fotoja e tij e fundit para se të emërohej ministër i Mbrojtjes (nga arkivi i Fahredin Spahisë)

 

Dorëshkrim i Ahmet Krasniqit: Pjesë nga përgatitja e dokumentit “Rregullore dhe Konto plan i përkohshëm” i Ministrisë së Mbrojtjes për nevojat e Forcave të Armatosura të Kosovës. Dokumenti u krijua me 5 prill 1998 (nga arkivi i Fahredin Spahisë)

 

 Bazat dhe Komanda e brigadave

 

Dokumenti i përgatitur për emërimin e Shtabit të Përgjithshëm të Forcave të Armatosura të Republikës së Kosovës. Këtë dokument e nënshkruan më vonë kryeministri në ekzil, Bujar Bukoshi (nga arkivi i Fahredin Spahisë)

 

Dokumenti, i shkruar nga dora e Ahmet Krasniqit, për emërimin e Shtabit të Përgjithshëm të FARK-ut

 

Videoja e postuar në YouTube, më 1 prill 2013