Të paktën 22 persona kanë humbur jetën në sulmin terrorist në Mançester dhe 59 tjerë janë plagosur rëndë, pasi një kamikaz aktivizoi bombën artizanale në koncertin e pop këngëtares Ariana Grande në Manchester Arena.
Dëshmitarë të tmerruar nga ajo çfarë kishte ndodhur nuk mund të ndalnin lotët derisa kërkoni më të afërmit e tyre, derisa stacioni Victoria në Londër është evakuuar nga policia për shkak të një “pakoje të dyshimtë”, transmeton Telegrafi.
Bomba kishte shpërthyer pas përfundimit të koncertit, në kohën kur prindërit së bashku me fëmijët e tyre po largoheshin nga Manchester Arena.
Ndërkaq, policia angleze, ka konfirmuar se sulmuesi është vrarë në momentin që aktivizoi bombën artizanale.
Në videot e publikuara më poshtë, mund të shihet edhe momenti kur shpërthen bomba dhe mbizotëron paniku në mesin e mijëra të rinjve që kishin shkuar për ta përcjellë nga afër këngëtaren e tyre të preferuar, në stadiumin me 21 mijë ulëse.
Shumë dëshmitarë e kanë përshkruar skenën e krijuar brenda stadiumit pas shpërthimit si një “zonë lufte”.
Prindërit e tmerruar janë duke bërë të pamundurën të gjejnë të afërmit e tyre që janë zhdukur, dhe kanë humbur kontaktet nga momenti i shpërthimit të bombës. /Telegrafi/
