Presidenti amerikan Donald Trump ka tronditur edhe një herë komunitetin mjekësor me komentet e fundit mbi ilaçin për coronavirus. Ekspertët i quajtën komentet e tij si të papërgjegjshme dhe të rrezikshme.
Konkretisht, Trump sugjeroi se injektimi i një dezinfektuesi në trup mund të vriste coronavirusin, dhe ai sugjeroi rrezatimin e trupit të pacientit me coronavirus me rrezet ultravjollcë, diçka që është kundërshtuar shumë nga mjekët, transmeton Telegrafi.
Disa orë më vonë, Trump shpjegoi se çfarë kishte menduar kur kishte thënë deklaratën për dezinfektuesin.
“Unë e bëra atë deklaratë me një ton sarkastik, që reporterët si ju të shohin se çfarë do të ndodhte”, tha ai pasi nënshkroi një paketë të katërt për të ndihmuar ekonominë amerikane me një vlerë prej 500 miliardë dollarësh.
“Unë u bëra një deklaratë me sarkazëm reporterëve në lidhje me dezinfektuesin dhe përdorimin e tij”, tha Trump.
Shtëpia e Bardhë ka raportuar se fjalët e tij janë nxjerrë jashtë kontekstit dhe u ka thënë njerëzve që ata nuk bëjnë asgjë pa këshillën e mjekëve. /Telegrafi/