Donald Trump ka bërë një pretendim kurioz duke folur para mbështetësve në një tubim në Pittsburgh të mërkurën: ai ka thënë se po ndërton një mur kufitar në Colorado.
“Ne po ndërtojmë një mur në kufirin e New Mexico dhe ne po ndërtojmë një mur në Colorado”, citohet të ketë thënë Trump, përcjell Telegrafi. “Ne jemi duke ndërtuar një mur të bukur, një i madh që me të vërtetë funksionon, që ju nuk mund ta kaloni as nga mbi e as nga poshtë”.
Me gjithë faktin se shteti i Kolorados ndodhet brenda në Shtetet e Bashkuara, pretendimi i tij u prit nga duartrokitje dhe brohoritje.
Megjithatë, disa politikanë dhe përdorues të mediave sociale reaguan me shqetësime dhe tallje.
Well this is awkward …Colorado doesn’t border Mexico. Good thing Colorado now offers free full day kindergarten so our kids can learn basic geography pic.twitter.com/bEXLDJYUku
— Jared Polis (@GovofCO) October 23, 2019
“Epo kjo është e pakuptimtë… Colorado nuk kufizohet me Meksikën”, ka cekur guvernatori i shtetit Jared Polis.
Trump më vonë ka bërë një postim në Twitter duke thënë se “e ka thënë me shaka”. /Telegrafi/