Presidenti amerikan, Donald Trump tha të enjten se ai nuk mendon se duhet të “përgatitet aq shumë” për samitin e ardhshëm me Korenë e Veriut, duke sugjeruar se qëndrimi i tij gjatë bisedimeve do të jetë më i rëndësishëm.
“Mendoj se jam shumë i përgatitur, nuk mendoj se duhet të përgatitem më shumë. Është për qëndrimin, është për gatishmërinë për të bërë gjërat”, tha Trump ndërsa priti kryeministrin japonez Shinzo Abe në Shtëpinë e Bardhë, përcjell Telegrafi.
Trump ka thënë gjithashtu se takimi i tij i afërt me udhëheqësin e Koresë së Veriut, Kim Jong Un, do të jetë “shumë më tepër se një mundësi për një fotografi”.
“Nëse ata nuk denuklearizohen, kjo nuk do të jetë e pranueshme”, shtoi Trump.
Sekretarja e shtypit e Shtëpisë së Bardhë Sarah Sanders tha të hënën se presidenti po merrte informacione të përditshme mbi Korenë e Veriut, që sugjeron se ai ka bërë të paktën disa përgatitje për samitin e parashikuar.
Trump është vendosur të takojë Kim në Hotel Capella në Singapor më 12 qershor.
Presidenti e anuloi takimin në fund të majit, duke cituar komente agresive nga Koreja e Veriut.
Por pas përpjekjeve të mëtejshme diplomatike në të dyja anët, ai njoftoi javën e shkuar se samiti ishte kthyer në agjendë përsëri. /Telegrafi/
JUST IN: President Trump on his preparation for upcoming summit with Kim Jong Un: "I think I'm very well prepared. I don’t think I have to prepare very much. It’s about attitude.” pic.twitter.com/JjYSBGJrF8
— NBC News (@NBCNews) June 7, 2018