Donald Trump pretendoi se ai kishte fituar dy çmime Nobel për paqe para se të korrigjonte veten gjatë një tubimi të fushatës së tij.
Presidenti Donald Trump, gjatë fushatës së tij në Londonderry, New Hampshire, u mburr se ai kishte fituar një nga çmimet prestigjioze për punën e tij “në negocimin e paqes midis Kosovës dhe Serbisë”, transmeton Telegrafi.
Ai pastaj pretendoi se i ishte dhënë një tjetër për “diçka tjetër” dhe këmbënguli se ai gjithashtu duhet të merrte një tjetër për punën e tij të mirë në Siri.
“Kosova dhe Serbia nënshkruan një marrëveshje, kështu që ata më dhanë një çmim për këtë, ata më dhanë një çmim Nobel edhe për diçka tjetër, ata duhet të më jepnin një çmim Nobel për atë që bëra në Siri”, tha Trump.
Pasi vlerësoi arritjet e tij, Trump më në fund korrigjoi veten.
“Kur them Çmimin Nobel e kam fjalën për nominimin”, tha ai.
"They gave me a Nobel Prize for that, they gave me a Nobel prize for something else" — Trump falsely claims that he's won numerous Nobel prizes (he clarified in the next breath that "when I say Nobel Prize" he meant, "nomination") pic.twitter.com/N3ZkapzyYj
— Aaron Rupar (@atrupar) October 25, 2020
Trump është nominuar për çmimin Nobel nga mbështetësit, por u njoftua në fillim të këtij muaji se ai kishte nuk e kishte fituar atë.
Në vend të tij, Komiteti Norvegjez i Nobelit zgjodhi Programin Botëror të Ushqimit të OKB-së, një organizatë humanitare e përqendruar në ushqimin e të uriturve, si marrësi i çmimit të saj të paqes në vitin 2020. /Telegrafi/