Presidenti amerikan Donald Trump ka nderuar qenin hero të quajtur “Conan” i cili ndihmoi në kapjen e liderit të terrorit Abu Bakr al-Bagdadit.
Një nderim i tillë, sipas mediave të huaja, përcjell Telegrafi, qenit iu bë me një ceremoni në Shtëpinë e Bardhë.
Trump u shfaq me Conan jashtë Zyrës Ovale dhe lavdëroi arritjet e tij, pasi ushtria solli kafshën shumë të stërvitur në Uashington nga Lindja e Mesme, ku SHBA vazhdon të përpiqet të heqë “mbetjet e ISIS-it”.
“Conan është një i ashpër. Askush të mos ngatërrohet me Conan”, tha Trump, i cili theu precedentin duke mos arritur të marrë një kafshë shtëpiake për të jetuar me të në Shtëpinë e Bardhë.
Conan ishte bërë tashmë i famshëm pasi zyrtarët e Shtëpisë së Bardhë dhe të Departamentit të Mbrojtjes treguan historinë se si ai ndihmoi për të kapur shefin e ISIS-it para se ai të hidhte veten në erë muajin e kaluar, duke vrarë veten dhe anëtarët e rinj të familjes dhe duke plagosur kafshën. /Telegrafi/
President @realDonaldTrump introduces Conan, the ISIS killing Hero Dog to the world 🇺🇸
FULL PRESS CONFERENCE pic.twitter.com/VR0qDnrb18
— Benny (@bennyjohnson) November 25, 2019