Presidenti i SHBA-së, Donald Trump nuk pranoi të thotë sot nëse ka besim në Sekretarin e tij të Drejtësisë, William Barr, i cili tha se nuk gjeti aq shumë mashtrime për të zhbërë fitoren e Joe Bidenit në zgjedhjet presidenciale.
“Ai nuk ka bërë asgjë deri më tani”, tha Trump në një intervistë të shkurtër me gazetarët në Zyrën Ovale të Shtëpisë së Bardhë, raporton cnn.
“Ata as nuk u shqetësuan shumë dhe, sinqerisht, unë jam i zhgënjyer”, shtoi ai, transmeton Telegrafi.
I pyetur nga gazetarët nëse ende i besonte ministrit ultrakonservator që kishte qenë prej kohësh në rrethin e ngushtë të bashkëpunëtorëve të tij, Trump tha, “Më pyesni për disa javë”, duke përsëritur akuzat e “mashtrimit” që nuk i vërtetoi.
“Në këtë fazë, ne nuk kemi parë mashtrim në një shkallë që mund të ndikojë në rezultatin e zgjedhjeve,” tha Barri.
“Ka pasur akuza për mashtrim sistematik, nën të cilin janë programuar makina për të falsifikuar rezultatet e zgjedhjeve,” kujton ai. Por ministrat e Sigurisë së Brendshme dhe Drejtësisë kanë “hulumtuar dhe deri më tani nuk kanë gjetur asgjë për t’i mbështetur ato”.
Një muaj pas zgjedhjeve, Donald Trump ende nuk dëshiron të pranojë humbjen kundër Joe Biden. Ai ka ngritur dhjetëra padi që gjykatat kryesisht i kanë hedhur poshtë. /Telegrafi/