Presidenti Donald Trump ka njoftuar se kongresisti John Ratcliffe është kandidati i tij për të shërbyer si Drejtor i Inteligjencës Kombëtare.
Në këtë pozitë për momentin është ambasadori amerikan në Gjermani Richard Grenell, por është vetëm si ushtrues detyre, sepse ai më herët ka deklaruar se nuk është i gatshëm t’a pranojë këtë post, transmeton Telegrafi.
Presidenti Trump përmes një shkrimi në Twitter ka thënë se ai është i lumtur të nominojë kongresistin Ratcliffe si Drejtor të Inteligjencës Amerikane.
I am pleased to announce the nomination of @RepRatcliffe (Congressman John Ratcliffe) to be Director of National Intelligence (DNI). Would have completed process earlier, but John wanted to wait until after IG Report was finished. John is an outstanding man of great talent!
— Donald J. Trump (@realDonaldTrump) February 28, 2020
Ju mund t’a kujtoni që Ratcliffe ishte shpallur si kandidati i Trumpit për Drejtor të Inteligjencës Kombëtare korrikun e kaluar, për të pasuar Dan Coats, por në atë kohë kishte shumë kundërshtime nga republikanët, dhe më pas u detyrua të tërhiqte nominimin. /Telegrafi/